RAGHJUNGHJECI

Hè pussibule di sustene l’uperazione cundutte da u Corsica – Gruppu di ricerca annantu à i Squali di u Mediterraniu aderendu à l’associu.

Diventà membru perchè ?

  • Pà sustene u nostru Polu Ricerca in e so azzione di studiu, di salvezza è di prutezzione.
  • Pà aiutà è parmette e nostre azzione di sensibilisazione di i publichi in giru à e raze è i squali è parmetteci di cumprà arnesi didattichi.
  • Pà esse tinuti à capu regularmente di e nostre azzione è di l’attualità via newsletters.
  • Pà esse invitati à participà è evenimenti particulari annantu à u terrenu o a manifestazione publiche.

Cumu fà ?

1°Piglià cunniscenza di i Statuti

2° Riempie u Bullitinu di Adesione

3° Aghjunghje dui ritratti d’identità è un sviluppu bullatu incù u vostru nome è u vostru indirizzu (vi sarà mandatu un ghjustificativu quand’ellu sarà ricivutu u vostru currieru).

4° Mandate l’inseme incù u muntante di a vostra cutisazione o un donu libaru à l’indirizzu quì sottu :

Corsica -MSRG Monte Nebbio – l’Orsala  20 167 Appietto

U muntante di l’adesione hè da pagà pà l’annata civile in corsu, da u 1a di ghjennaghju à u 31 di dicembre :

– menu di 18 anni : 10 € (incù l’autorizazione di i parenti)

– disimpiegati : 10 €, incù un ducumentu ghjustificativu

– studienti in biulugia marina, ciuttatori Bio (ogni livellu) : 10 €, incù un ducumentu ghjustificativu

– più di 18 anni : 15 €

– urganisimi : 50 €

Sta cutisazione vi parmette di seguità di gratisi e furmazione di scuperta o e cunfarenze date annantu à l’elasmobranchi dapoi a Corsica o u Cuntinente ; di participà à uperazione scientifiche; à azzione di sensibilisazione di i publichi i più larghi à prò di e raze è di i squali di u Mediterraniu. Ùn hè dumandata nisuna cumpetenza particulare. Basta à esse mutivati.

Per ogni dumanda : corsica-msrg@sfr.fr

Fateci parte di e votre brame, di e vostre attese cum’è di e vostre qualificazione in ogni duminiu ch’ellu fussi.

Vuluntariu benevulente, pà chì fà ?

Aiutate i squali denduli appena di tempu. U tempu è e cumpetenze chì i benevulenti ponu cunsacrà sò assà preziosi pà u nostru associu.

Si pò impegnà di parechje manere : pudete aiutà mittendu à cuntribuzione e votre cumpetenze parsunale pà u studiu, a cunservazione o a sparghjera culturale è scientifica in giru à i squali.

Pò esse, frà altre cose, infurmatica, redazzione di note, dissegni o rittrati pà cuntribuisce à a nostra banca di dati (in linea in parte), s’è vo avete talenti d’infurmaticu, di grafistu, s’è vo site smanatu o s’ellu vi piace u cuntattu incù u publicu, ch’è vo abbiate a maestria di a lingua corsa o micca…

Oghje, sò quesse e pussibilità di vulutariatu :

– Evenimenti di sensibilisazione

Corsica – Gruppu di Ricerca annantu à i Squali di u Mediterraniu piglia parte ogni annu à manifestazione di sensibilisazione.

S’è vo vi vulete affaccà è aiutacci, sarete accolti cum’ellu ci vole.

Ci pudete aiutà dinò urganizendu caccie à l’ovi di raze in i vostri lochi.

Ne faremu a prumuzione. Faremu l’identificazione di e capsule è si pudarà arricchisce a banca di dati grazia à voi. U vostru impegnu è e vostre scuperte avaranu a so piazza annantu à u situ.

U fattu di ghjucà un rollu di sintinella in i vostri lochi (ch’è vo ci campite o ch’è vo ci siate in vacanze) hè dinò una pussibilità.

S’è vo site intaressati, cuntattateci o fateci parte di e vostre idee.

S’è vo site intaressati pà e missione di terrenu in ecovuluntariatu, lasciateci puru un messagiu; pà esse tenuti à capu di l’uperazione, abbunatevi via a pagina dedicata à l’Attualità.

DONU è MECENATU

Corsica – Gruppu di Ricerca annantu à i Squali di u Mediterraniu pò ancu riceve i doni (in natura dinò : per esempiu, emu ricevutu dui bidoni alimentarii di plasticu di 10l è un Fax telecopia). Semu aparti à ogni pruposta è ringraziemu tutti quelli chì sceglinu sta forma di participazione pà cuntribuisce à a riescita di e notre missione.

Corsica – Gruppu di Ricerca annantu à i Squali di u Mediterraniu hè arrigistratu à u rigistru naziunale di legge 1901 sott’à u n°W2A1002400

A nostra struttura, categurizata cum’è d’intaressu generale, hè abilitata à riceve doni; t’hà l’agradimentu pà rimette ricivuti pà i particulari è l’imprese (art 200 è 238 bis di u Codice Generale di l’Impositi; abilitazione à a rimessa di certificati fiscali sopr’à autorisazione di a Direzzione Regiunale di e Finanze publiche Corsica è di u Dipartimentu di u Pumonti).

I doni, pà e parsone fisiche, si stendenu al di là di u muntante di a cutisazione annuale d’adesione. Sicondu à u muntante pagatu, ete da riceve un ricivutu fiscale chì currisponde à u muntante effettivu. A reduzzione di l’impositi vale pà 66% di u donu pagatu, in a limita annuale di 20% di u rivenutu sottumessu à l’impositu.
L’imprese sottumesse à l’impositu annantu à u rivenutu o annantu à e sucetà ponu benefizià di una deduzzione fiscale chì vale pà 60% di u muntante di u donu in a limita di 0.5% di u rivenutu sottumessu à l’impositu.
S’è l’impresa hà fattu u so donu sottu à a forma di un mecenatu in natura o di cumpetenze, cuntribuendu incù mezi (prudutti o servizii), stu cuntributu hè tandu valurizatu à u prezzu di costu, o à u valore nettu cuntabile pà l’elementi iscritti à l’attivu di l’imprese.
 Pà sapene di più : Site Officiel du Service Public.

Parmette d’altronde à i benevulenti di l’associu di rinunzià à u rimborsu di e spese ch’elli anu ingagiatu (es: spese di spiazzamentu) in u quadru specificu di l’ughjettu suciale di Corsica-MSRG (è micca in l’intaressu parsunale di i membri); in contra parte; st’abandonu di spese hè cumpensatu da una deduzzione fiscale.