A misura di u rinumatu pesciu cane biancu di Malta

A misura di u rinumatu pesciu cane biancu di Malta

Vincent Maliet

Assai risorsi trattani chì a presa di u pesciu cane biancu u più grossu piscatu ind’u mondu si feci ind’u Marittaraniu u 17 d’aprili di u 1987 in Malta, cù almenu 7,14 metri di longu è un pesu di 3,165 tonni (veda Terre sauvage n°98, sittembri di u 1995). Senza vulè prupona un tavuleddu di paragoni di i squali piscati par stu mondu, ci tocca ad analisà i dati spicifichi di sta presa.

Si cunnosci u sviluppu di stu fattu grazia à unu di i participenti di stu stalvatoghju, u librariu John Abela. In parti, si ripiglia i tistimunienzi di dui piscadori, Alfredo Cutajar è Vince D’Amato, chì ci entrini in tuttu. Ma u so racontu hè cuntrastatu in parti. Altri rilazioni ed analisi, ci tocca à cunsidarà li. Alex Buttigieg, prufissiunali Maltesi di a nutera sott’acqua, appassiunatu da i squali dipoi l’anni sittanta, hà suvitatu sta passata po hè statu spittatori di u sbarcà di u squalu. Parechji scintifichi si sò intarissatu à u fattu, com’à Ian Fergusson, Henri Mollet è Alessandro De Maddalena.

I fatti à l’iniziu

U 17 d’aprili di u 1987, à 4 ori 30 in Wiediż-Żurrieq (costa à Meziornu di Malta) : Alfredo Cutajar faci un ghjiru in mari da virificà i so lenzi. In una mez’ora, cù u so batteddu di 5 metri è un mutori di 9,9 cavaddi, s’avvia versu i so boa insignendu i so palàmiti, ciuttati à 2 chilòmetri à Meziornu Liventi di Filflaisland. Cù sti lenzi fissi armati di parechji ami longhi 25 cintimetri (di solitu distanti d’una cintinaia di metri), sò circati dui spezzi d’altu mari : u pesciu spada è u tonnu.

Ghjuntu à a cala versu i setti ori, virifiche ghja i so guaiteddi di mezu ; unu ùn si vedi, fendu pinsà à una bedda presa. Cù un grappinu, cerca in vanu di ricuddà a lenza madri. U piscadori chjama à l’aiutu u patroni d’un batteddu di pesca « au gros » chì vinci à pocu à pocu à tamanta presa bianca cù u so trogliu. Alfredo Cutajar s’avvedi ch’eddu hè un squali sprupusitatu, un pesciu canu biancu tamantoni. Vince D’Amato pruponi l’ipotesi ch’eddu s’era prima intrappulatu ind’una reta stu mostru marinu po, dopu libaratu in parti, era vinutu à imprighjunà si ind’il enzi. Cutajar hà dighjà campatu l’affari in marzu di u 1973. Sta volta, l’animali li pari più maiò, almenu di più cà u so batteddu !

 I marinari appitti u cani squalu à u sicondu batteddu è u strascina ni cusì sin’à u portu ; u traghjettu hè di guasgi trè ori è, à l’arrivu, u squali pari sempri in vita. L’apparechju da pisà dispunibuli ùn basta da caccià a presa for d’acqua. I dui batteddi ripigliani tandu u mari da tuccà à Marsaxlokk vicinu. U portu di pesca u più impurtenti di l’arcipelagu t’hà eddu una biga adatta. Ci vurrà quantunqua cuntà 2 ori di tempu. Un mondu scemu aspetta i marinari chì affaccani versu meziornu…

U librariu s’attruca po niguzieghja cù i piscadori : l’intaressa a mansedda è vurria fà un raportu di stacattura à u pianu intarnaziunali. Sta bedda ambizioni ùn và cù un dilittantismu dificienti. Hè à stu puntu pricisu ch’eddi svariani i tistimunienzi è ch’eddi nascini i cuntrasti.

 

A taglia di u squalu

Dici prima John Abela chì u squali hè statu apartu sin’à u stomacu, essendu sempri in l’acqua par parti, ch’eddu hè statu svisciratu po misuratu sicondu i reguli, vali à dì in tarra è micca appiccatu à stinzera cù una corda. Ma si trova chì Alex Buttigieg era sopra locu in Marsaxlokk, vidi a scena à corta distenza è cuntradici sta virsioni.

Beddu più tardi, presu ind’is o cuntradizzioni, Abela palesa ch’eddi sò sta ti fatti st’uparazioni dopu : u squalu hè statu purtatu à u marcatu di i pesci di La Valette duv’eddi sò stati fatti i custatazioni. Nimu sà com’eddi si sò passati in veru. U lindumani da mani, u ghjurnali lucali In Nazzjon Taghna publicava un raportu di a cattura.

Una misura hè stata data di manera ufficiali : 7 metri è 14 centimetri. Sta diminsioni saria stata presa dui volti, da a punta di u nasu à u lobbu supranu di a coda. Una di i misuri dava 8,85 metri, ciò chì ùn hè statu ritinutu colpa à a curvatura di l’addomi. Di sicura, deviessa spirtizatu in ligna dritta l’animali. Di manera stranna, nant’à tutti i ritratti publicati da Abela, mancu una faci veda u squali in a so lunghezza sana sana.

Da a stacca stumacala sò stati cacciati un verdulu (Prionace glauca) di dui metri, un delfinu di circa 2,5 metri tagliatu in dui cù u capu mirzatu è una cuparchjata di mare (Caretta caretta) di 70 cm. L’asamini palisò dinò u sessu di l’individuu : era una femina cù l’uteru apartu, ciò chi feci dì cù l’abusu ch’edda avia figliatu una simana nanzu deci cagnaccioli.

1987, Malta Alfredo Cutajar au centre et Ian Fergusson  à droite, en plein débatMandata in Malta ind’u 1988, una squatra di a BBC-Radio 4 apri un’inchiesta. Uni pochi di ritratti ineditati sò scuparti ind’i scagni di In Nazzjon Taghna. Da dumandà un avisu, facini veda sti fotò à Ian Fergusson i ghjurnalisti. Quiddu dà una stimata di 17 o 18 pedi, vali à dì 5,48 metri pà u più. Ma à guardà i dati murfumètrichi cumunicati è paragunati cun quiddi d’altri animali, ùn rimetti in causa sana sana st’ivintualità, aduprendu l’avisu d’Henri Mollet (ma fendu un asamini futugrafficu, dà un scartu pussibuli trà 5,20 m è 5,50 m). Alex Buttigieg, tistimoniu di vista, era certu certu ch’eddu facia menu di 7 metri l’animali (u stima à una vintina di pedi è dunqua 6,096 m). Hà pussutu misurà eddu u pirimetru di i manseddi ind’u 1990. Po hà trovu i nataghjoli pitturali di u squalu (cunsirvati ind’un magazenu maltesi) è hà pussutu cusì fà una valutazioni. Ancu fendu casu à a ritrattazzioni di i nataghjoli siccati è di i manseddi, paragunendu li à misuri d’altri squali, a cunclusioni veni listessa : stu squalu ùn facia mancu 7 metri. Ind’u 2001, Alessandro De Maddalena cù una squatra chjuca di circadori voltani à u listessu sughjettu è valuteghjani una taglia da 6,68 è 6,81 metri.

Appughjendu si nant’à i primi custatazioni di Fergusson, a BBC chjama à Abela mentri un’imissioni in direttu. Dopu scambii in cuntradizioni, u Maltesi adimetti ch’eddu hà pussutu piglià misuri falzi. Ùn si pò cun raghjoniri tena a misura arrighjistrata prima senza fà riservi serii serii.

Di manera ghjinirali, ci tocca à misfidà si di i misuri sprupusitati. Un prutucolu pricisu s’imponi da ch’eddi avissini una racolta corda di dati cumparativi i scintifichi. Tutti quiddi chì ùn rispondani à sti criteri sarani cusì cunsidarati com’à pochi sicuri.

 

Dissegni ricacciati da De Maddalena et al (cf. Fonte)

 Ritratti publicati cù l’auturizazioni amabuli di A. Buttigieg

 Ringrazii à Jean-Marc Lazare è Ghjuvan Micheli Weber

Fonte

MOLLET H. et al (1996) – A review of length validation methods and protocols to measure large white sharks. in Kimley A.P. & Ainley D.G. – Great white shark ; the biology of Carcharodon carcharias (ed). Academic Press. San Diego pp. 91-108.

FERGUSSON I.K (1996) – Distribution and autecology of the White Shark in the Eastern North Atlantic Ocean and the Mediterranean Sea. in Kimley A.P. & Ainley D.G. – Great white shark ; the biology of Carcharodon carcharias (ed). Academic Press. San Diego pp. 321-345

DE MADDALENA  A., ZUFFA M., LIPE J L. & A. CELONA (2001) – An analysis of the photographic evidences of the largest great white sharks, Carcharodon carcharias (Linnaeus,  1758), captured in the Mediterranean Sea with considerations about the maximum sire of species. in Annales (Annals for Istran and Mediterranean StudiesSeries historia naturalis, 11(2): 193-206

Source web : http://www.sharkmans-world.eu/enter.htm

= = = = =

Pour citer cet article : MALIET Vincent, in CORSICA-MSRG, 25/02/2012 : La taille du célèbre Grand blanc de Malte, http://wp.me/P1UfBB-nn

Annunci