Rubrica attori cunsumatori

ALERTA ALIMENTARIA – nutificazione.

Livelli belli alti di mercuriu sò palisati regularmente in i pesci di mare. Hè lanciata un’alerta via a reta cumunutaria d’alerta rapida pà a manghjusca umana è animale di l’Unione Europea.

Sicondu à e norme in anda, u livellu massimu di mercuriu auturizatu in u pesciu hè di 0.5mg / chilò, for’di certi predatori maiò (= 1.0 mg Hg / chilò).

In u 87, 76% di i 49 casi ritinuti cum’è prublematichi, a cuncentrazione alta di mercuriu franchendu a limita fissata da a legge hè stata palisata inde almenu 12 spezie sfarente di pesci ussei (usseittiani). A spezia a più tocca hè u pesciu spada (Xiphias gladius) incù circa 55% (i tonni affaccanu dopu). E cuncentrazione e più forte sò state palisate in i pesci spada cunghjilati vinuti da u Braziliu.

 

12, 25 % di e nutificazione d’alerte toccanu quatru spezie di pesci cartilaghjinosi (squali è raze).

– Verdulu (Prionace glauca) :  3 casi

– Nussola liscia (Mustelus mustelus) : 1 casu

– Mako (Isurus oxyrinchus) : 1 casu

– Raza, micca pricisata : 1 casu

STAMPIGLIU

In generale, innanzu à ogni compra in una piscaria, v’invitemu à verificà a prisenza di sta stampa :

U stampigliu MSC (Marine Stewardship Council) ricumpensa e piscarie chì a gestione è e pratiche sò ricunisciute cum’è essendu respunsevule à livellu eculogicu. Certificheghja chì u pruduttu esciutu da u mare vene da una piscaria durevule, gestita cum’ellu ci vole è ch’ellu ùn cuntribueghja micca à u prublema pessimu di a soprapesca.

Certi ONG pruponenu ancu listini o libretti in linea pà i cunsumatori.

Annunci