A pesca pruibita

Pesca pruibita

Spezie pruibite

  1. Hè pruibita à e nave UE di piscà, di tene à bordu, di strasburdà o di sbarcà e spezie siguente :
  2. a cagnaccia (Cetorinhus maximus) è u pesciu cane biancu (Carcharodon carcharias), u diavule di mare (Mobula mobular) in l’inseme di l’acque UE è quelle ch’ùn appartenenu micca à l’UE ;
  3. u pesciu anghjulu (Squatina squatina) in l’inseme di l’acque UE (a presa di un pesciu anghjulu di 106 cm pè circa 10 chilò si saria prudutta costa di a Ghisunaccia, da u fattu di cacciadori senza parmessu, in a nuttata di u 12/03/2004) ;

dans l’ensemble des eaux UE (la capture d’un requin Ange de 106 cm pour 10 kg environ se serait produite sur la côte de Ghisonaccia, par le fait de braconniers Italiens, dans la nuit du 12/03/2004) ;

  1. a raza liscia (Dipturus batis) in l’acque UE di e divisione CIEM II a è di e sottu zone CIEM III, IV, VI, VII, IX è X ;
  2. a raza undulata (Raja undulata) è a raza bianca (Rostroraja alba) in l’acque UE di e sottu zone CIEM VI, VII, VIII, IX è X ;
  3. u sbrigliulu (Lamna nasus) in l’acque internaziunale
  4. a ghitarra (Rhinobatidae) in l’acque UE di e sottu zone I, II, III, IV, V, VI, VII, VIII, IX, X è XII.

Fonte : REGULAMENTU (UE) n° 57/2011 DI U CUNSIGLIU di u 18 di ghjennaghju di u 2011 chì stabilisce pè u 2011 e pussibilità di pesca pè certe pruviste piscareccie è gruppi di pruviste piscareccie, adattevule in l’acque di l’UE è pè e nave di l’UE in certe acque ch’ùn appartenenu micca à l’UE.

Ste misure intaressanu a pesca prufissiunale cum’è a pesca di passatempu.

– – – – –

Dapoi u 10 di lugliu di u 2012, dece spezie in più si trovanu prutette da a Cunvenzione di Barcelona (Spagna) :

– Palombu (Galeorhinus galeus) – Squalumako (Isurus oxyrinchus) – Sbrigliu (Lamna nasus) – Pesciu martellu (Sphyrna lewini) – Grande pesciu martellu (Sphyrna mokarran) – Pesciu martellu lisciu (Sphyrna zygaena)

– Raza circularia (Leucoraja circularis) – Raza di Malta (Leucoraja melitensis) – Pesciu ghitara (Rhinobatos cemiculus) – Ghirata di mare cumuna (Rhinobatos rhinobatos)

Sta misura di prutezzione pruibisce di modu chjaru di piscà certe spezie, di vendele o di guastà u so locu di campà.

E parte cuntrattante sò quesse : Albania, Algeria, Bosnia Erzeguvina, Cipru, Cumunutà Europea, Cruazia, Egittu, Spagna, Francia, Grecia, Israele, Italia, Libanu, Libia, Malta, Maroccu, Monacu, Montenegru, Sluvenia, Siria, Tunisia, Turchia.

– – – – –

Di sittembre di u 2012 ci hè statu a prima reunione di i signatarii di u Mémorandum d’Entente sur la conservation des requins migrateurs in Bonn (Germania).

Un pianu di cunservazione hè statu aduttatu : u so scopu hè di evità a pesca di a Cagnaccia è di u pesciu cane Biancu chì sò traminduie cunsiderate cum’è spezie migratrice in periculu di spinghjitura. A messa in piazza di quota pè e pesche accidentale di spezie in periculu di spinghjitura hè incuragita, anzituttu pè u spinarolu (Squalus acanthias).

Annunci