Attenzione è cundutta à avè

Attenzione è cundutta à avè

A u largu

Sola à spessu, certe volte in duie, à casu in gruppu, sta razza pò saltà fora di l’acqua. Ùn v’avvicinate micca troppu (omancu à 5 metri), andate pianu (ùn trapassate micca 3 nodi), ùn li tagliate micca a strada. L’elica di u vostru battellu a pudaria ferisce gravamente.

I jetschì ùn sò micca i più apprupiati pè fanne l’usservazione.

In immersione sottumarina

Rallegratevi di stu scontru, di stu mumentu magicu… Siate attenti à u vostru prufondimetru, à u vostru cunsumu in aria, à i vostri piani… Pigliate ritratti u più pussibule ma ùn tuccate micca …

In mare

Nisun periculu pè i bagnadori.

Simu noi i furesteri di u mare, micca elli. Stà calmu è tene tutti i so mezi d’azzione di pettu à un Diavulu di mare d’omancu 2m di larghezza ùn hè robba simplice, ancu s’ellu si nutrisce solu di rubu. Ancu s’ellu ùn hè agressivu incù l’umani, t’hà un acu à a basa di u spinu, daretu à a coda, è si ne ghjova solu pè difendesi. Tandu, s’hè vo ùn site micca scumudati in l’acqua direttamente da a so prisenza, ùn s’affaccarà micca ellu à davvi fastidiu.

In portu

Hè di primura d’ùn lasciassi vince da a panica, nemancu da una vuluntà d’intervenzione : u megliu hè di rispettali in lu so ambiu. Ancu vicinu à i porti, st’animale si trova in un ambiu chì ghjè soiu prima d’esse nostru.

Qualsiassi e circunstanze : ùn v’avvicinate micca, ùn lu tuccate micca, ùn li date micca faastidiu.

À spessu si crede à tortu chì, sè st’animale s’avvicina di a costa, sarà ch’ellu hè maladu o ch’ellu hà persu a so urientazione. Si pò tandu pinsà chì ci tocca à chjappallu pà purtallu in altrò.

Ste razze si ritrovanu in u Mediterraniu sanu è ghjè nurmale ch’elle s’avvicinessinu assà di e coste certe volte, è ancu ch’elle entrinu in zone purtuarie (cum’è in Bastia o in Savona).

Chjappalli li pò fà di più male ch’è di bè.

Cù u battellu tocca à andà più pianu ch’è d’abitudine. I battelli si ponu move cum’è sempre ma lascendu appena di più tempu à u Diavule di mare pè ch’ellu s’alluntanessi.

Ùn vale à mandà ciuttadori. Simu noi i furesteri di u mare, micca elli. Stà calmu è tene tutti i so mezi d’azzione di pettu à un Diavulu di mare d’omancu 2m di larghezza ùn hè robba simplice, ancu s’ellu si nutrisce solu di rubu. Ancu s’ellu ùn hè agressivu incù l’umani, t’hà un acu à a basa di u spinu, daretu à a coda, è si ne ghjova solu pè difendesi. Tandu, s’hè vo ùn site micca scumudati in l’acqua direttamente da a so prisenza, ùn s’affaccarà micca ellu à davvi fastidiu.

Incalchemu annantu à sti cunsigli : ùn tuccate micca è ùn circate micca à chjappà l’animale. Sti fatti ùn faranu chè scumudà l’animale è vi purtarà ancu davant’à a ghjustizia : Mobula mobular hè prutetta à titulu di a Cunvenzione di Berna (Appicciu II) è di Barcelona (Appicciu 2). Tuccalla hè prubibita.

Annunci